المقادير :
(العبار بكاس العنبة )
4 بيضات + دانون دانيت بشكلاط + فاني + 2 كيسان سنيدة + كاس زيت + 3 معالق كبار ديال كاكاو + كاس قهوة معصرة + 3 كيسان طحين + 3 خمارات
طربي البيض مع سنيدة او فاني مزيان زيدي دانيت منبعد زيدي الزيت القهوة و تخلطي منبعد زيدي الطحين مغربل مع الخميرة والكاكاو طربي مزيان منبع دخليها طيب بحال أي كيكة عادية
كريمة القهوة
نصف لتر حليب + كاس قهوة معصرة + 3 معالق كبار سنيدة +
3 معالق كبار كريم باتسيير + 80غ شكلاط + معلقة كبيرة الزبدة
عملي الشكلاط مع الزبدة يدوب وفوق نار مهيلة عملي الحليب والقهوة مع غبرة الكريم باتسيير و سنيدة وحركي حتا يعقاد
ملي يعقاد زيدي الشكلاط المدوب قسمي الكيكة على جوج و سرحي الكريمة وغطيها بالطبقة الثانية ديال الكيكة وحتا جناب الكيكة
كلاصاج
دانيت بالشكلاط + 100 غ شكلاط اسود
في بان ماري كتسخني دانيت و تزيدي الشكلاط حتا يدوب و سرحي فوق الكيكة
وكتعملي نقيطات كبار بكلاصاج كراميل (انا دوبت الشكلاط ابيض مع شوية دانيت بالكراميل) و كتعملي خطوط عشوائية وتحصلي على شكل رخامي وفي جناب زوقتها بشكلاط فرميسيل
شهيوات ام ريان
