كورون بالكنفتير و الكريم

250 غ دقيق
25 غ سنيدة
ملح
25 غ خميرة
40 غ بودرة الحليب
اصفر بيضة
80 غ زبدة عادية تكون رطبة
الماء حسب الحاجة
الطريقة تتخلطي كلشي المقادير مع بعضها و دلكيها مزيان، خليها ترتاح شي 10 د و من بعد طلقيها مستطيل وطوي العجينة بحال ليتنديرو فالعجينة المورقة غير هنا الزبدة تنكونو عجناها فالاول مع العجينة
تنعودو العملية 3 مرات بلا منخليوها ترتاح بين كل مرة و مرة، حتال المرة الاخير عاد نديرها فالتلاجة من 15 د تل 30 د حسب الجو















تنطلقوها دابا مستطيل طويل و عريض، ندهنوها بالكريم باتسير ، الكونفتير ت المشمش تم ندردرو حبيبات الشكلاط، لويوها ونقطعوها دوائر بحال الشنيك ( انا تنقطعها مباشرة بلا منديرها فالمجمد تقصاح حيت تنستعمل طريقة الخيط فالتقطاع ) ، تنستفو الدوائر ديالنا فمول متقوب يكون مدهون و لا نفرشو ورق السلفريزي، ونخليوها تخمر
ندهنها باصفر البيض مع شوية تالحليب مدوبة فيه شوية ت القهوة و ندخلها للفران











بعد الطهي تندهنا بالناباج او مربى المشمش و بالصحة و الراحة
تتجي غزالة بزاف، نتمنا تعجبكم