فطائر معمرين بالطون و الشعرية الصينية و الفرماج

مقادير الحشوة
  علبة طون ديال الزيت
  حبة كبيرة بصل مشلضة
1/2 حبة فلفلة حمرة مقطعة مربعات
1/2 حبة فلفلة خضرة مقطعة مربعات
1/2 حبة فلفلة صفرة مقطعة مربعات
30غ شعرية صينية ( كنرطبوها في ماء مغلي مع ملح و ثوم و سكنجبير و إبزار حتى ترطاب و نقطروها و نذهنوها بزيت العود و نقطعوها )
2 فصوص ثوم محكوك
معدنوس مقطع
10 حبات زيتون خضر مقطع رقيق
ثوم
بصل مقطع رقيق
1 ملعقة كبيرة صلصة الصوجة
زعتر يابس
كامون
تحميرة
هريسة
ملح
زيت الزيتون
فرماج محكوك
12 قطعة فرماج ساندويتش

نشحرو البصل و الفلفلة و الثومة مع الملح و الزيت حتى يذبالو

ثم نضيف الطون من بعد ما نصفيوه من الزيت ثم المعدنوس و الزعتر محكوك
و الزيتون و الكامون و التحميرة
و صلصة الصوجا و الهريسة نخلطو الكل جيدا
ثم الشعرية الصينية و نشحرو الكل مع بعض

 

نتركو الحشوة تبرد تماما ثم نضيفو الفرماج محكوك و نخلطو الكل جيدا وها الحشوة واجدة

مقادير العجين
150غ دقيق فينو
150غ دقيق أصفر
150غ دقيق فرص
  ملعقة صغيرة ملح
  ملعقة صغيرة سنيدة
  ملعقة صغيرة خميرة حبوب
للتوراق 
1/2 زلافة دقيق فينو مخلطة مع خمارة ديال 7g
1/2 زلافة مخلطة زيت الزيتون و زيت المائدة
للدهن 
2 أصفر بيض مطربين مع قليل من الحليب
جنجلان و سانوج
الطريقة

نخلطو أنواع الدقيق و الملح و الخميرة و السكر مع بعض ثم نعجنو
الكل بماء عادي ندلكو العجين جيدا حتى نحصل على عجين لينة تكون مرخوفة شوية

 نقسمو العجين الى كويرات ندهنوهم بالزيت ونغطيوهم  ببلاستيك غدائي باش مينشفوش ونبداو كنخدمو مباشرة

نطلقو العجين على شكل مستطيل بإستعمال خليط زيت الزيتون و زيت المائدة
ثم نرشو بخليط الدقيق الفينو و الخمارة وناخدو قطعة جبن صندويتش
و نقسمها قسمين نضع القسم الأول في وسط حاشية العجين
ثم نضع قليل من الحشوة فوقو ثم نصف قطعة الجبن المتبقية

ثم نبسطو العجيب قليلا و نرشوه بي قليل من الزيت و الدقيق ونلفوها

ثم نوضعوهم في طاوة مغطات بورق السلفيريزي و نذهنوهم بأصفر البيض مع الحليب و نرشوهم بالزنجلان و السانوج مباشرة بعدما تصبح جاهزة تطهى في فرن معتدل الحرارة دون تركها ترتاح