مقادير العجين:
400 غرام طحين فرص
غرام 125 طحين فينو
شوية ديال الملح
خمارة الحلوى
3 ملاعق كبيرة من الزيت
ماء دافئ
طريقة التحضير :
أولا نبدأ بطريقة تحضير العجين كالتالي نعجنو العجين عادي بحال المسمن وندلكوها مزيان ونعملوها كويرات ونخليوها ترتاح مزيان باش تعطينا الطوع في التكراص
مقادير الحشوة:
250 غرام كفتة
4 بصلات كبار مشلدين
3 فلفلات ملونين مقطعين مربعات صغار
شوية زيت الزيتون
ابزار
نصف معلقة سكنجبر
نصف معلقة خرقوم بلدي
كنور بكريي
ضامة زعفران
2 بيضات مصلوقين
شوية فروماج محكوك
بكية شعرية صينية
شوية زيتون اخضر مقطع
في مقلى نضع شوية زيت العود ونشحر فيها البصلة والفلفلة ونزيد العطرية كلها نضيف الكفتة ونفرتوها مزيان مع التحريك واخيرا نضيف الشعرية الصينية اللى ضفنا عليها شوية ماء سخون وصفيناها وقطعناها انا كنطحنها في الطحان الكهربائي كتجيني مقادة ثم نحرك الكل ونضيف الزيتون ونطفي النار أخيرا نضيف البيض المسلوق والمحكوك ونترك الخليط يبرد ناخد كرة من العجين ونبسطها ثم ندهنوها بالزيت والزبدة ثم نبسط كرة الثانية ونضعها بجانب الدائرة الاولى ثم الثالثة ونحاول أن نلصق جنب مع جنب ثم نضع الحشوة فوق الدوائر المبسوطة على شكل حربل طويل في العرض ثم ندردر عليها الفروماج محكوك انا عملت فرماج السندويش ونلويو عليها العجينة ثم نروليوها ثم ندوروها على شكل محنشة ونضعها في طاوة مدهونة بالزبدة وهاكدا حتى نكمل محنشة مالحة ديالنا وندهنها باصفر البيضة مخلطة مع شوية نسكافي ثم نطيبها في الفرن
