المقادير :
130 غرام جبن كيري او فيلاديلفيا
3 بيضات
90 مل حليب كامل الدسم
75 غرام سكر سنيدة
30 غرام دقيق
25 غرام نشا الذرة
15 غرام زبدة
معلقة كبيرة عصير الحامض
قليل من الملح
طريقة التحضير :
نفرقو البيض الاصفر بوحدو و الابيض بوحدو
نطربو ابيض البيض مع الملح حتا يولي رغوة بيضا تقريبا 3 دقايق و نزيدوه معلقة الحامض.
من بعد نبداو نزيدو سنيدة بالتدريج حتا تولي عندنا ميرانج. نخليوه على جنب
ناخذو الحليب و الزبدة و الجبن نحطوهم يسخنو على النار حتا يذوبو كاملين من بعد نخليوه شوية يبرد و نزيدوه اصفر البيض مع التخلاط مزيان.
نزيدولو النشا و الدقيق و نخلطوه مزيان.
من بعد نبداو نهزو من خليط الميرانغ بشوية و نخلطوه مع خليط الجبن غا بشوية باش مايهبطش. فاش ينساجمو نخليوهم على جنب
نسخنو الفران و نغليو الما و ناخذو القالب اللي غاطيبو فيه نغلفوه بالورق المشمع بلاما ندهنوه و نغلفوه من برة بورق الالومنيوم كااااامل
نحطو القالب فوق قالب آخر اكبر منو و نخويو الما طايب تقريبا حتا يوصل للنص ( غادا طيب فحمام مريم ) و نحطوها فالفران يكون شاعل غا من لتحت ماكاتحتاجش تتحمر تقريبا غادا تاخد 40 دقيقة على حرارة متوسطة.
"Meriem Essa"
