مقادير الفينونسي:
100غ دقيق -140 غ لوزمقشر ومطحون غبرة - 200غ سنيدة -250 غ بياض البيض- 250 غ زبدة نوازيط- شوية الملح -شوية فاني
للتزيين شوكولا بيضاء-شوكولا سوداء - نصف معلقة صغيرة نكهة الحامض - عصير نصف حامضة - حبيبات الشوكولا
تطهى الزبدة حتى يصبح لونها بني وتفوح منها رائحة النوازيط وخليها ترتاج
نغربل جميع النواشف مرتين ثم نضيف بياض البيض ونحرك بالطراب اليدوي حتى يتجانسو ثم نضيف الزبدة ونستمرو ف التطراب حتى تتشرب الزبدة ثم نحتفظو بها في الثلاجة مدة ساعتين
** نقسم الخليط على 2 النص الاول نعمرو به مول سيليكون ref JX-050 وندخلوهم للفرن مسخن من قبل نغطيو مول السيليكون بورق الالمنيوم ثم بصفيحة الفرن تكون خفيفة باش مينتافخوش في الفرن مدة 10 دقايق بدون ميتحمرو بزاف
لما يطيبو نخليهم يبردو و نزولوهم من المول
نمرو للتزيين نذوب الشوكولا بيضاء ف حمام مريم تم خارج النار نضيف عصير نصف حامضة +نصف معلقة صغيرة نكهة الحامض ونحرك بالطراب اليدوي مزيان حتى يصبح مثل الكريما ، نوضعو قشور الحامض ف المول الخاص بالفينونسي ونعمر حتى للنصف بالشوكولا ، تم نرجعو فوقه الفنونسي لي طيبنا ونخليهم جانبا باش يجمد الشوكولا .نزولو الفينونسي من المول ونزينوهم بخويطات الشوكولا سوداء
** بالنسبة للنصف الثاني نزيدو ليه حبيبات الشوكولا ونعمرو به مول الفينونسي الثاني لما يطيب نعمرو الوسط بالشوكولا الذائبةونزينو بخويطات الشكلاط
** بالنسبة لقليبات الشكلاط والهرم وانصاف الكرة لي مغبرين بالكاكاو المقادير :
300 غ وشوكولا سوداء مذوب ف حمام مريم - 1م ك زبدة - 160 غ حليب محلى مركز - 2 م ص روح الليمون - 2 م ص ماء-200 غ فواكه جافة مختلفة محمرة - 100غ زبيب نخلطو كل هاد المقادير ونعملوهم ف مول سيليكون شكل لي يعجبكم- انا اخترت القلب ونصف كرة والهرم - ندخلهم للثلاجة يبردو من بعد نزولهم من المول ونغبرهم بالكاكاو
** اما الحلوى لي على شكل وردة ناخد نفس مقادير الاخيرة واضفت ليهم بسكوي ماريا مطحون ونجمعوهم بالحليب المركز المحلى على حسب عينك ميزانك ثم عملي منهم وريدات خرجيهم بجيب الحلواني وزينتهم بشوكولا فرميسيل ملونة
Samira boudali
