المقادير :
رابعة كفتة
بصلة صغيرة محكوكة
شوية الملح
راس ملعقة سكينجبير
2 معالق كبار معدنوس مقطع رقيق
كاس زبيب بلا عظم مرطب في مازهر و مصفي
كاس لوز مصلوق و مفسخ ومنشف( ندهنوه بالزيت و نحمروه فالفران ثم ندقوه بالمهراز من الاحسن)
نصف ملعقة كبيرة مازهر
شوية القرفة مطحونة
ملعقة صغيرة سنيدة
2 معالق كبار زبدة
حكيكة صغيرة ديال الكوزة
رابعة من ورقة البسطيلة
طريقة التحضير :
في مقلة فوق النار نديرو البصلة مع الزبدة والملح و نخليوها ترخى شوية ثم نضيف الكفتة و نشحروها مزيان و في الاخير نضيف المعدنوس و الكوزة و سكينجبير و نحركو و نزولوهم من فوق النار
نديرو الزبيب في مقلة مع شوية القرفة و شوية سنيدة و نحركو شوية فوق النار ثم نزولوه و نخلطوه مع اللوز و العناصر الاخرى ثم نعمرو البريوات و ندهنوهم بالزبدة مخلطة مع الزيت و ندخلوهم للفران يطيبو و عند التقديم نزينوهم بالقرفة والسكر او بالعسل مخلط مع القرفة و نقدموهم سخان بالصحة
