500غ سميدة رقيقة
كاس العنبة دقيق فورص
ملعقة صغيرة خميرة الخبزمطلوقة في شوية الماء دافي
كاس العنبة زيت
كاس سنيدة
2 خمارات الحلوة
حفنة النافع البلدي
كاس و نصف ديال الماء دافي
للتزيين
سميدة غليظة
في القصعة نخلط المقادير اليابسة (السميدة و الدقيق و السنيدة و الخميرة الحلوة و النافع)
نضيف للخليط الزيت و نبسسها مزيان حتى تتلبس كل حبات السميدة بالزيت
عاد نزيد الخميرة المطلوقة في الماء و الماء دافي و نخلط بأطراف الأصابع باش ما يطلقش السميدة الخيط و تتعجن.
نتركها ترتاح شوية و تتشرب الماء.
و من بعد نشكلها كويرات صغار و نمرمدهم في السميدة الغليظة.
نستفهم في اللاطة مباعدينو نزوقهم بالموس على الشكل اللي في الصورة
و ندخلهم للفران و نتركهم حتى يتحمروا مزيان
و هذا الشكل النهائي
مطبخ ام لمى
