نحضرو الجينواز اولا
3 بيضات
كاس سكر
1 خمارة
كاس دقيق
نطربو بالطراب الكهربائي البيض مع السكر مزيان تم نضيفو الخميرة ع الدقيق ونخلطوها حتى يندمج لينا الخليط نفرغوه في المول ثم ندخلوه الفرن
ملي يطيب نخليوها تبرد و نحضرو الكريم باتسيير
بكاس كبير حليب +2 معالق كبار سنيدة+ ملعقة كبيرة عامرة ب بودرة كريم باتسيير الكل فوق النار حتى يعقد ونصبوه مباشرة فوق الحلوى ونقادوه ثم تدخل الثلاجة باش تبرد
منين تبرد شوية نحضرو كريم تونغ tang
بكاس كبير عصير تونغ +2 معالق كبار سنيدة+1 ملعقة كبيرة عامرة بودرة كريم باتسيير
الكل فوق النار حتى يعقد ونصبوه فالحلوى فوق لاكريم الاول
تدخل الثلاجة تزين حسب الرغبة واللي متوفر عندنا
تقدم باردة
