كيك بخيزو والبنان والفواكه الجافة

المقادير :

120 غ بنان مقشر و مقطع

120 غ خيزو محكوك فالجهة رقيقة

120 غ سكر

125 غ دقيق

100 مل زيت مائدة

50 غ كركاع مهرمش

50 غ زبيب مقطع

40 غ كوك

25 غ مايزينا

2 بيضات

نصف م.ص خمارة

نصف م.ص قرفة

قبصة ملح

فاني

طريقة التحضير :

1 ـ نفرقو البيض صفار عالبياض و نطربو ابيض البيض مع قبصة ملح حتى يولي فحال الثلج و نحتافضو به على جنب .
2 ـ نطربو صفار البيض مع السكر و الفاني و نضيفو عليه الدقيق مع المايزينا الخمارة و القرفة مغربلين و نخلطو الكل

3 ـ نزيدو الكركاع , الزبيب , الكوك , البنان ( ممكن نعوضو البنان بالاناناس المعلب حتى هو كيجي راائع ) و خيزو و نخلطو الخليط مزيان حتى تندمج العناصر من بعد نضيفو بياض البيض و حنى كنحركو من التحت الفوق بسباتول و غير بشويش




4 ـ نفرغو الخليط فقالب مدهون بالزبدة و مرشوش بالدقيق و ندخلوه الفرن مسخن من قبل حتى ينضج
5 ـ من بعد ما نخرجوه من الفرن نتسناو عليه 10 د عاد نزولوه من القالب من بعد نديروه من فوق شي شبيكة حتى يبرد على خاطرو عاد نقدموه و بالنسبة للتزيين كل واحد ولي حب خاطرو انا كتفيت غير بالسكر كلاصي