مقادير العجين:
350غ دقيق
نصف علبة ياغورت طبيعي
معلقة كبيرة خميرة معجونة
معلقة كبيرة سكر
2 معالق كبار زيت
معلقة صغيرة خميرة الحلوى
نصف معلقة صغيرة ملح
بيضة
ماء دافي
مقادير الحشوة:
بصلة مشلظة
فلفلة مقطعة مربعات
فص ثوم
معدنوس
علبة كبيرة طون
ملح و ابزار وتحميرة و خرقوم
فرماج محكوك
بيضة
طريقة التحضير
فطائر بالطون على شكل وردات
نعجنو العجين ونخليوه يخمر
ثم نبدأ في تحضير الحشوة
نضع شوية الزيت في المقلة ونضيفو ليه البصلة و الثوم
بعد ما تشحرات البصلة شوية نضيفو ليها الفلفلة
ثم التوابل الملح و الابزار و التحميرة و الخرقوم
نخليوهم على نار مهيلة حتى طيب الفلفلة و البصلة ثم نضيفو ليهم الطون مصفي
نخلطو الطون مع باقي المقادير مزيان ثم نطفيوعليه النار و نضيفو المعدنوس ونخليو الحشوة تبرد
بعد ما خمرت العجينة
نبسطوها بالمدلك و نقطعوها دوائر يكون قياس الدوائر على حسب حافة المول
ناخذو مول الكاب كيك ندهنوه بالزيت ونوضعو في الوسط دائرة
ثم نضع الدوائر على الجوانب واحدة على جانب الأخرى
حتى نكملو تستاف العجينة على هاذ الشكل تيكون 6 دوائر في كل وردة
بعد ما بردت الحشوة نضيفو ليها بيضة و الجبن محكوك
ونعمرو بيها وسط كل وردة
نخليوهم يخمرو شوية تقريبا نصف ساعة و ندخلوهم الفران على 200 درجة حتى يتحمرو
